Elusen annibynnol wedi ei chychwyn gan RYA Cymru Wales (y corff cenedlaethol Cymreig sy’n rheoli hwylio) ydy ‘All Afloat’ a’r nod ydy darparu cyfle i bobl ifanc yng Nghymru i drin cychod a chynnig sgiliau bywyd iddyn nhw. Darparodd ‘All Afloat’ 220 sesiwn profiad cyntaf ac ardystio dros 70 o hwylwyr ifanc drwy ganolfannau a chlybiau yn 2017, gyda chyllid sbarduno cychwynnol gan RYA Cymru Wales a thrwy gyfuno’r rhaglen ‘RYA OnBoard’. Yn 2018 a thu hwnt, bwriadwn barhau i weddnewid bywydau drwy rym hwylio a thrwy helpu i ddarparu rhagor o bobl ifanc mewn rhagor o leoliadau.
Mae rhaglen ‘All Afloat’ yn helpu RYA Cymru Wales i gael Pob Plentyn wedi gwirioni ar chwaraeon am Oes.
Lansiwyd ‘All Afloat’ am y tro cyntaf fel menter newydd ym Mai 2017 gan RYA Cymru Wales. Nod RYA Cymru Wales oedd darparu cyfle i bobl ifanc i ‘roi cynnig’ ar amrediad o weithgareddau hwylio a gweithgaredd trin cychod ac i gymryd rhan, gyda’r gobaith y bydden nhw’n ennill cymwysterau RYA cydnabyddedig.
Gweledigaeth ‘All Afloat’ ydy gweddnewid bywydau drwy rym hwylio. Ar gyfer rhai o blith lleiafrifoedd a chefndiroedd difreintiedig rydyn ni’n darparu cyfle nid yn unig i roi cynnig ar hwylio, ond hefyd i gynnig llwybr i fod yn hyfedr a’i wneud yn hoffter angerddol am oes.
– Phil Braden, Prif Weithredwr RYA Cymru Wales
Yn 2017, fe dderbynion ni gyllid sbarduno gan Chwaraeon Cymru (un o asiantaethau llywodraeth y DU) ar gyfer rhaglen beilot ‘All Afloat’ yng Ngogledd, Gorllewin a De Cymru. Roedd y peilot yn targedu plant o gefndiroedd difreintiedig a lleiafrifol na fyddai fel arall wedi cael cyfle i gael profiad o hwylio a thrin cychod a darparu cyfle iddyn nhw nid yn unig i roi cynnig ar y gweithgaredd, ond i ddod yn hyfedr ac i gynnig llwybr i weithgaredd rheolaidd; mewn gair, i’w cael i ymddiddori mewn hwylio am eu hoes.
Mae hwylio’n hyrwyddo’r gwerthoedd craidd o hyder, hunan-ddibyniaeth, gwaith tîm a llythrennedd corfforol. Mae’r plant sydd wedi ymddiddori yn y gamp yn llythrennol yn gweddnewid eu bywydau eu hunain. Maen nhw’n rhyngweithio â grŵp newydd o gyfoedion sy’n actif yn gorfforol ac yn edrych ymlaen; maen nhw’n cydweithio â phlant hŷn sydd wedi dod yn hyfforddwyr cynorthwyol ac yn gweld y gall bywyd ym myd chwaraeon, yn broffesiynol neu fel gweithgaredd hamdden, fod yn realiti iddyn nhw.
Bellach mae rhaglen ‘All Afloat’ yn symud i gyfnod newydd. Mae Chwaraeon Cymru wedi darparu cyllid graddedig ar gyfer 2018 a 2019 ac rydyn ni’n chwilio am ffynonellau cyllido newydd, nid yn unig i barhau’r cynllun yn y blynyddol i ddod, ond i gynyddu’r rhaglen yn ddirfawr. Mae ‘All Afloat’ yn Sefydliad Corfforaethol Elusennol cofrestredig (CIO) gyda’r rhif elusen 1175241.
Pob plentyn wedi gwirioni ar chwaraeon am oes
Un o brif amcanion Chwaraeon Cymru ydy cael pob plentyn i brofi manteision cadarnhaol a geir o gymryd rhan mewn chwaraeon.
“Nid yn unig y manteision i iechyd, ond hefyd i hyder ac o ran y sgiliau newydd, fel sgiliau arwain, a ddatblygir wrth gymryd rhan mewn chwaraeon. Rydym eisiau rhoi llais i bobl ifanc a’u hannog i ysbrydoli eu cyfoedion i wirioni ar chwaraeon am oes.”
– Chwaraeon Cymru
Cynlluniwyd ‘All Afloat’ i roi cyfle i blant heb roi cynnig ar hwylio i ddatblygu sgiliau newydd ac ymddiddori yn y gamp gyffrous hon.
Drwy ‘All Afloat’, mae RYA Cymru Wales yn gobeithio cael pob plentyn sy’n cymryd rhan i wirioni ar chwaraeon am oes, drwy hwylio.
RYA Cymru Wales
RYA Cymru Wales ydy’r Corff Rheoli Cenedlaethol ar gyfer yr holl hwylio a thrin cychod yng Nghymru. Mae ei aelodau’n cynnwys clybiau lleol a rhanbarthol a chanolfannau masnachol campau dwr. Caiff RYA Cymru Wales ei ariannu gan gymdeithas RYA a Chwaraeon Cymru sydd â’r weledigaeth “Pob Plentyn wedi Gwirioni ar Chwaraeon am Oes” drwy “greu Cenedl o Bencampwyr”.
