Hyfforddwyr a Gwirfoddolwyr
Fel hyfforddwyr hwylio byddwch yn datblygu perthynas gref a chadarnhaol â phobl ifanc ac yn dod yn fodelau rôl. Dylech fabwysiadu’r safonau uchaf, gan fod gennych rôl hanfodol i ddarparu amgylchedd hwyliog a diogel y gall pobl ifanc fwynhau eu profiadau hwylio ynddo. Rhaid i chi fod yn ymwybodol o’ch dyletswydd gofal a’r canllawiau cyfredol ar arferion da, a dylech ymddwyn yn gyfrifol yng nghwmni pobl ifanc. Bydd hyn yn diogelu ac amddiffyn pobl ifanc wrth i chi eu hyfforddi a dylai hyn leihau’r posibilrwydd o gamddealltwriaeth ac osgoi honiadau o ymddygiad anaddas.
Mae’r holl hyfforddwyr a gwirfoddolwyr sy’n gweithio ym maes hwylio â phobl ifanc mewn sefyllfa lle mae ymddiriedaeth wedi ei osod arnyn nhw ynddyn gan rieni, y gamp a’r unigolyn ifanc. Gellir disgrifio’r berthynas fel un lle mae’r oedolyn mewn sefyllfa rymus a dylanwadol oherwydd ei sefyllfa.
Egwyddorion
Mae gan yr holl bobl ifanc ym maes hwylio, waeth beth fo’u hoedran, gallu, rhyw, gallu, hil, crefydd neu gred, tarddiad ethnig, statws cymdeithasol neu gyfeiriadedd rhywiol, yr hawl i gael eu diogelu rhag niwed.
Dylid bob amser barchu hawliau, urddas a gwerth pob unigolyn ifanc.
Dylai pob un o’r hyfforddwyr a gwirfoddolwyr fod yn gyfarwydd â chanllawiau lles ‘All Afloat’, a’r hyn sy’n arfer dda ac arfer gwael.
Rhestr wirio Hyfforddi
- Ydy’r amgylchedd a’r offer yn ddiogel?
- Oes gennych chi ddigon o gymorth?
- Ydy’r gweithgareddau’n addas i’r oedran?
- Ydych chi wedi eich hyfforddi’n ddigonol?
- Ydych chi wedi cwblhau eich datgeliad DBS?
Gwefannau i Hyfforddwyr/ i Wirfoddolwyr
www.thinkyouknow.co.uk – Yma cewch adnoddau gan ‘Thinkuknow’ ar gyfer athrawon a’r holl bobl broffesiynol eraill sy’n gweithio â phobl ifanc. Mae yma ffilmiau, cyflwyniadau, gemau, cynlluniau gwersi a phosteri ar amrediad o bynciau o feithrin perthynas amhriodol gan droseddwyr rhyw hyd at seibrfwlio.
www.sportscoachuk.org – Yn datblygu dysg am hyfforddi ac yn cynnig cefnogaeth sy’n ategu rhaglenni penodol am chwaraeon. Mae’n cynnig ymchwil ac arferon da sy’n cefnogi hyfforddiant.
